Сайрам ауданы әкімін сайлау науқанында сайлаушылар белсенділік танытуда. №534 сайлау учаскесіне зейнеткер, 71 жастағы Ақсукент ауылдық округінің тұрғыны Балқыбек Аубакиров келіп, өз таңдауын жасады. Азаматтық белсенділігі мен үлгі боларлық қадамы үшін сайлау учаскесінің атынан оған шапан кигізіліп, құрмет көрсетілді. Бұл игі дәстүр – ел ертеңіне бейжай қарамайтын азаматтарға деген алғыс пен сый-құрметтің белгісі.
Автор: aimaq_user
Қазақстан Халқы Ассамблеясының мүшесі, «Ассамблея жастары» РҚБ-нің Түркістан облыстық өкілдігінің төрағасы Надыржан Хасантаев өз таңдауын жасады. «Сайрам ауданы тұрғындары бүгін аудан әкімін тікелей халық сайлауымен таңдап жатыр — бұл жергілікті басқару жүйесінде үлкен демократиялық қадам. Бұрын мұндай деңгейдегі әкімдерді мәслихаттар немесе жоғары тұрған органдар тағайындайтын, ал енді халықтың даусы шешуші рөл атқарады» — Нодир Хасантаев.
Сайлау учаскесіне ең алғашқылардың бірі болып дауыс беруге Құтарыс ауылдық округінің әжелер кеңесінің төрайымы, ардагер ұстаз Мырзатайқызы Үрзада апамыз №587 сайлау учаскесіне келіп өз таңдауын жасады. «Ауылда атқарылатын жұмыс көп. Сайланатын әкім сайлауалды бағдарламаларында көрсеткен істерді жүзеге асырды деп ойлаймын. Туған жерімнің болашағы үшін дауыс беру — азаматтық парызым. Шәкірттерім де сайлау учаскесіне келеді деп сенемін» — деді талай жыл шәкірт тәрбиелеген ұстаз. Апамызға сайлау учаскесінің төрағасы кәдесый табыс етті. Таңғы 07.00- де басталған дауыс беру кешкі сағат 20.00-ге дейін жалғасады.
Аудандағы әжелер ұйымының мүшелері сайлау учаскелеріне келіп, өз таңдауларын жасауда. Қоғамдық өмірге белсене араласатын ақжаулықты аналар сайлау науқанына жауапкершілікпен қатысып, жас ұрпаққа үлгі болуда. Әжелер ұйымының өкілдері бұл сайлауды ел болашағы үшін маңызды саяси науқан ретінде бағалайтынын атап өтті.
Сайрам ауданының №587 сайлау учаскесінде таңғы сағаттардан бастап сайлаушылар белсенділік танытуда. Осы учаскеде Құтарыс ауылының тұрғыны Тұрлыбеков Анарбек отбасымен бірге келіп, жаңа аудан әкімін сайлау науқанында өз таңдауын жасады. Тұрлыбеков Анарбек сайлаушыларға сәттілік тілеп, әрбір азаматтың ел болашағы үшін саналы әрі белсенді қатысуының маңыздылығын атап өтті. Сайлау учаскесі жоғары деңгейде ұйымдастырылған, санитарлық талаптар мен қауіпсіздік шаралары толық сақталуда. Комиссия мүшелері сайлау процесінің әділ әрі ашық өтуіне барлық жағдайды жасауда. Тұрлыбеков Анарбектің үлгісімен басқа да тұрғындар дауыс беруге асығып, саяси науқанның маңыздылығын сезініп отыр.
Аудан әкімін сайлау науқанында сайлау учаскелеріне келіп жатқан дауыс берушілердің белсенділігі көңіл қуантады. Сондай-ақ, сайлаушылардың белсенділігін одан әрі арттыру мақсатында сайлаушыларға естелік сыйлықтар қарастырылған. Мәселен, қазіргі таңда учаскелерге келіп, алғашқылардың бірі болып дауыс берген азаматтарға естелік ретінде сый-сияпаттар табысталып жатыр. №527 сайлау учаскесінде алғаш болып Сайрам ауданындағы Таулы Қарабақ ұрыс қимылдары ардагері Батаев Бақтияр дауыс берді. – Бүгін аудан үшін маңызды күн. Әр сайлауда тұрғындар белсенділік жасап, өз таңдауын жасаса құба-құп. Мен де өз таңдауымды жасап, дауысымды бердім, – деді ардагер. 5 қазан Сайрам ауданының әкімін сайлауда №589 сайлау учаскесіне алғашқылардың бірі болып Ізбасаров Сапархан келіп өз таңдауын жасап, сыйлыққа…
Сайрам ауданында сайлау күні ерекше қажеттіліктері бар азаматтардың дауыс беру учаскелеріне еркін келуін қамтамасыз ету мақсатында әлеуметтік такси қызметі ұйымдастырылған. Қызмет сайлаушыларды тасымалдауды уақтылы әрі қауіпсіз түрде жүзеге асыруда. Alimzhan Kuralovтай азаматымызға ел алғысы шексіз.
Таулы Қарабақ ұрыс қимылдары ардагері Батаев Бақтияр алғашқылардың бірі болып Ақбұлақ ауыл округіндегі №526 сайлау учаскесінде дауыс берді
Бүгін – Сайрам ауданы әкімінің сайлауы өтуде. Жергілікті халық аудан әкімін тікелей сайлау арқылы таңдап, дауыс береді. Сайрам ауданында 89 сайлау учаскесінде 138 762 сайлаушы тіркелген. Дәл қазіргі сәтте аудандағы барлық учаске өз жұмысын бастады.
Бүгін Сайрам ауданында ҚР Сайлау туралы Конституциялық заңының 113-1 бабы, 1 тармағы 2) тармақшасы негізінде бұрынғы әкімнің өкілеттілігі мерзімінен бұрын тоқтауына байланысты аудан әкімінің сайлауы өтуде. Жергілікті халық аудан әкімін тікелей сайлау арқылы таңдап, дауыс береді. Әкімдерді тікелей сайлау — Президент реформаларының бірі. Сайрам ауданында барлығы 89 сайлау учаскесі құрылған. Мұнда барлығы 635 комиссия мүшесі қызмет атқарады. Ал, аудан бойынша 138 762 сайлаушы тіркелген. Таңғы 07.00-де барлық учаске ашылып, өз жұмысын бастады. Дауыс беру үй жайлары барлық талаптарға сай жабдықталып, бюллетеньдермен қамтылды. Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылатын болады.…