Төлеби ауданы әкімдігінің үлкен мәжіліс залында Түркістан облысы бойынша экономикалық тергеу департаментінің басшысы Балғабаев Ерболат Темірболатұлының төрағалығымен актив жиналысы өтті. Жиын күн тәртібімен аудан әкімі Еркеғали Әлімқұлов таныстырды деп, хабарлаған Төлеби ауданы әкімінің баспасөз қызметі.
Басқосуда аудандағы қоғамдық-саяси ахуал және этносаралық қатынастар туралы аудан әкімінің орынбасары Бағдатбек Жанғазиев баяндады. Ауданның әлеуметтік – экономикалық даму көрсеткіштері бойынша аудандық экономика және қаржы бөлімінің басшысы Мансұр Ашрапов хабарлады
Жиын барысында департамент басшысы мемлекеттік қызметшілер өз ісін адал әрі жауапкершілікпен атқаруы тиістігін жеткізді. Жалпы мемлекеттік жобалар мен бағдарламаларды жүзеге асыру, мемлекеттік органдардың өз функцияларын сапалы орындауы, халыққа қызмет көрсетудің тиімділігі, заңдылықты қамтамасыз ету мемлекеттік қызметшілердің кәсіби шеберлігіне байланысты екенін айтып, әр көрсетілген мәліметтің шынайылығын қамту қажеттігін ескертті. Сондай-ақ, қаржылық пирамида, құмар ойындардан сала мамандарының аулақ болу қажеттігін ескертті.