Құрметті Түркістан қаласының тұрғындары және тұрғын үйге мұқтаж азаматтар!
Тұрғын үй жағдайларын жақсартуға бағытталған мемлекеттік қолдау шаралары аясында, Мемлекет басшысы Ұлттық Құрылтайда айтқан ауыл және аудан орталығының тұрғындарына арналған жаңа ипотекалық бағдарлама Түркістан қаласындағы «Отырар» тұрғын үй кешенінен пәтер алуға арналған ипотекалық бағдарламаның іске асырылуына мұрындық болуда. Бұл бастама — тұрғын үйге мұқтаж, есепте тұрған және Отбасы Банкінің салымшысы болып табылатын азаматтар үшін баспаналы болудың нақты мүмкіндігі.
Аталған ипотекалық тұрғын үйді алу үшін қойылатын талаптар және қатысу шарттарын білгіңіз келсе, өтінімдер тек екі негізгі шартты орындаған азаматтардан ғана қабылданады. Мәселен, үміткерлер бірыңғай республикалық электрондық базада — «Тұрғын үймен қамтамасыз ету орталығы» электрондық базасында тұрғын үйге мұқтаж ретінде тіркелген болуы қажет. Сонымен қатар, өтініш беруші «Отбасы Банкінің» (бұрынғы «Тұрғын үй құрылыс жинақ банкі») салымшысы болуы тиіс.
Жалпы, «Отырар» тұрғын үй кешеніндегі пәтерлердің бір шаршы метрінің бағасы — 220 000 (екі жүз жиырма мың) теңгені құрайды. Бұл баға мемлекеттік бағдарлама аясында бекітілген және қатысушылар үшін тиімді баға болып табылады.
Үміткерлерді іріктеу келесі принциптерге сәйкес қатаң түрде жүзеге асырылады. Ең алдымен, үміткерлердің тұрғын үйге мұқтаж ретінде есепке қойылған күнінің басымдығы ескеріледі. Ең ерте есепке тұрған азаматтар басымдыққа ие болады. Егер бірнеше үміткердің тұрғын үй кезегінде есепке қою күндері сәйкес келсе, онда іріктеу қатысуға өтініш беру күні мен уақыты бойынша жүргізіледі. Яғни, өтінішті ертерек жіберген адам басымдыққа ие болады. Өтінімдер толығымен онлайн режимде, «Отбасы Банкінің» ресми сайты арқылы қабылданады: www.otbasybank.kz.
Егер сізде сұрақтар туындаса, Банктің Түркістан қаласындағы бөлімшесіне хабарласуға болады немесе әлеуметтік желідегі ресми парақшадан ақпарат алуға болады: @turkistan_otbasybank.kz.
Банктің Түркістан қаласындағы мекенжайы:
- Б. Саттарханов даңғылы, 44 ғимарат.
Ипотекалық несие шартына қол қоймас бұрын, қарыз алушылар өз міндеттемелерінің маңыздылығын түсінуі қажет. Банктік қарыз шарты бойынша міндеттемелерді орындамаған жағдайдағы қарыз алушының жауапкершілігі және Банктің құқықтары туралы толық және егжей-тегжейлі ақпарат Банктің ресми сайтында орналастырылған: www.hcsbk.kz. Әрбір қарыз алушы қаржылық тәуекелдерді мұқият бағалап, несие шартының барлық тармақтарымен танысуы тиіс. Бұл ақпарат сіздің қаржылық қауіпсіздігіңіз үшін өте маңызды.
Баспанаға ие болу — үлкен қадам. Барлық талаптарды мұқият орындап, осы мүмкіндікті жіберіп алмаңыз!