Созақ ауданына қарасты Сызған ауыл округі, Таукент кенті, Абай ауылы, Балдысу ауылы сияқты бірнеше шалғай елді мекендерінде мобильді көшпелі қоғамдық қабылдау өтті. Бұл Қазақстан Республикасы Үкіметінің және жергілікті өзін-өзі басқару ұйымдарының қызметіндегі Мемлекет басшысының «Халық үніне құлақ асатын мемлекет» тұжырымдамасының тікелей және материалдық іске асырылуының айғағы.
Іс-шараға «AMANAT» партиясы Созақ аудандық филиалының атқарушы хатшысы Т.Сейдахметұлы, Созақ аудандық мәслихатының депутаты, фракция мүшесі Қ.Бекішов, Түркістан облысы Кәсіакерлер палатасы Созақ аудандық филиалының директоры А.Анарбаев, «Созақ ауданы әкімдігінің тұрғын үй-коммунальдық шаруашылық, жолаушылар көлігіжәне автомобиль жолдары» бөлімі маманы Н.Мейірман, Созақ аудандық орталық емханасы бас дәрігерінің орынбасары Ә.Әбдіқадыр, «Мансап» орталығы Созақ аудандық филиалының өкілдері қатысты.
«AMANAT» партиясының сайлауалды бағдарламасы, жоспары, жобалары халықтың ұсыныс-тілегінің негізінде әзірленген. Мобильді қабылдаудың да басты мақсаты – тұрғындардың өзекті мәселелерін шешу және елді мекендердегі тұрғындардың өзекті мәселелеріне құлақ түріп, тиісті деңгейде шешілуіне атсалысу, бағыт-бағдар мен кеңес беру. Мемлекет Басшысы азаматтарға арнап көшпелі қабылдауды жиі өткізіп, шалғай ауылдардың тұрғындарымен кездесу керектігін айтқан болатын. Бүгінгі қабылдауда ауданға қатысты айтылатын мәселелердің барлығы зерделеніп, зерттеліп, нақты жұмыстар атқарылатын болады.
Мобильді топ Созақ ауданына қарасты Сызған ауыл округі, Таукент кенті, Абай ауылы, Балдысу ауылы сияқты елді мекендерде екі күн бойы кездесу өткізіп, халықты толғандырған сауалдарын тыңдап, оларға Мемлекет басшысының халыққа Жолдауы аясында атқарылатын жұмыстар, түрлі заңнамаларға енгізіліп жатқан өзгерістер мен бағдарламалар төңірегінде кеңінен ақпарат берді.
Көшпелі қабылдау Президент Жолдауларында және мақалаларында көтерілген азаматтармен тікелей байланыс орнату қажеттілігін практикалық деңгейде орындайды. Бұл – биліктің кабинеттік деңгейден халықтың ортасына түсуін және проблемаларды көзбен көріп, құлақпен естуін институционалдық тұрғыдан қамтамасыз етеді. Сонымен қатар, тұрғындардың өздерін толғандырған мәселелер бойынша тікелей мамандардан кеңес алуы және өтініштерін жолдауы – азаматтардың мемлекеттік органдарға және ЖӨБ ұйымдарына деген сенімін нығайтады. Өйткені, мәселені шешу – биліктің есеп берушілігінің ең тиімді формасы.
Мобильді көшпелі қабылдаулар – мемлекеттік органдар мен жергілікті өзін-өзі басқару ұйымдарының қызметін ақпараттық қолдаудан бөлек, олардың есеп берушілік қағидатын құқықтық және этикалық тұрғыдан нығайтады. Абай ауылы мен Балдысу ауылы сияқты аудан орталығынан қашық орналасқан елді мекендерге арнайы бару – мемлекеттік қызметтердің географиялық теңдігін және азаматтардың әкімшілік кедергілерсіз өз құқықтарын жүзеге асыру мүмкіндігін қамтамасыз етеді. Қабылдауға қатысатын мамандар – кеңес беруден бөлек, тұрғындардың өтініштерін орталықтандырылған түрде тіркеп, олардың орындалу мерзімдерін бақылауды өз мойнына алады. Бұл – Парламенттің, Қазақстан Республикасы Үкіметінің заңнамалық актілерінің жергілікті деңгейдегі қолданылуын тексерудің тиімді әдісі.
Тұрғындардың өздерін толғандырған мәселелер бойынша өтініш білдіруі – Созақ ауданының нақты қажеттіліктерінің және әлсіз тұстарының объективті көрінісі болып табылады. Көбінесе, бұл өтініштер инженерлік инфрақұрылымға (су, электр, жол) және тұрғын үй-коммуналдық шаруашылыққа қатысты болуда. Қабылдау нәтижесінде жиналған мәселелердің статистикасы – жергілікті өзін-өзі басқару ұйымдары үшін бюджеттік қаражатты ең өзекті және шұғыл шешімді қажет ететін жобаларға бағыттаудың негізіне айналады. Бұл – мемлекеттік саясатты төменнен жоғары қарай құрудың демократиялық механизмі.
Сызған, Таукент, Абай, Балдысу ауылдарындағы су жүйелерінің жағдайы, электрмен қамту сапасы немесе ауыл ішіндегі жолдардың жөндеуге мұқтаждығы туралы өтініштер – өңірлерде іске асырылатын жобаларды жоспарлаудағы шынайы ақпараттық база қызметін атқарады.
Созақ ауданындағы мобильді көшпелі қоғамдық қабылдаудың ұйымдастырылуы – Мемлекет басшысының және Үкіметтің азаматтарға бағдарланған қызмет көрсету қағидатын, яғни сервистік мемлекет толықтай іске асыруға деген саяси еріктілігін көрсетеді. Аталмыш іс-шара жергілікті өзін-өзі басқарудың тиімділігін арттырып, шалғайдағы ауыл тұрғындарының мемлекеттік шешім қабылдау процесіне қатысу мүмкіндіктерін кеңейтеді. Мобильді қабылдау – биліктің халыққа жақындығын және өзекті мәселелердің тікелей әрі жедел шешілуін қамтамасыз ететін тиімді механизм болып табылады.