Қазақстан Республикасындағы кәсіпкерлікті дамыту саясаты – бұл тек экономикалық көрсеткіштерді жақсарту емес, бұл әрбір азаматтың өзіне деген сенімін ояту, оның әлеуетін толыққанды ашу және қоғамдағы өмір сүру сапасын түбегейлі өзгерту. «Өз бизнесіңді мемлекетпен бірге баста!» бастамасы – бұл халықтың әл-ауқатын көтеруге, жұмыссыздықты жоюға және өңірлік экономиканы әртараптандыруға бағытталған мемлекеттік бағдарламалардың шыңы.
Бүгінгі таңда «Бастау-Бизнес» жобасы аясында іске асырылып жатқан қайтарымсыз гранттар – бұл жай ғана қаржылық көмек емес, бұл азаматтардың өз тағдырына өзі иелік етуіне, жеке ісін дөңгелетіп, тұрақты табыс көзіне қол жеткізуіне берілген бірегей мүмкіндік. Кәсіпкерлік – бұл үлкен жауапкершілік пен үздіксіз ізденісті талап ететін қызмет. «Бастау-Бизнес» жобасының негізгі миссиясы – болашақ кәсіпкерлерді тек теориялық біліммен ғана емес, практикалық дағдылармен де қаруландыру. Жобаның негізгі басымдықтарына тоқтала кетейік. Біріншіден, интеллектуалдық капиталды қалыптастыру — кәсіпкерлік жолындағы алғашқы қадамдар мен бизнес-жоспарлау және нарықты талдаудан басталады. Жоба аясында азаматтар қаржылық сауаттылықты, маркетингтік стратегияларды және заңнамалық базаны меңгереді.
Екіншіден, сандық форматтағы білім беру — 14 күндік онлайн оқу курсы толықтай digital-форматта жүзеге асырылады. Бұл заманауи талаптарға сай, азаматтардың қашықтан білім алуына барынша ыңғайлы.
Үшіншіден, тәуекелдерді басқару — бизнес бастау кезіндегі басты мәселе – тәуекелдерді алдын ала бағалау. Жоба оқушыларға бизнес-процестердегі мүмкін болатын кедергілерді қалай жеңу керектігін үйретеді. Грант – бұл мемлекеттің әлеуметтік саясатының ажырамас бөлігі. Әлеуметтік осал топтарға жататын азаматтарға басымдық беру арқылы мемлекет тең мүмкіндіктер қоғамын қалыптастыруда. Мәселен, әлеуметтік әділеттілік бойынша көпбалалы аналар, асыраушысынан айырылғандар, мүгедектігі бар жандар – олардың кәсіпкерлікке қадам басуы әлеуметтік белсенділікті арттырады. Экономикалық инклюзия санатындағы азаматтардың кәсіп ашуы – олардың өмір сүру деңгейін көтеріп қана қоймай, аудандық бюджетке салық түсімдерін арттыруға да үлес қосады. Ал, психологиялық фактор басымдығы өз кәсібі бар азаматтың өмірге деген көзқарасы өзгереді. Ол – мемлекеттің көмегіне ғана сүйенбей, өз еңбегімен нәтиже көрсететін тұлғаға айналады.
Еске салсақ, мемлекет тарапынан бөлінген грант қаражаты мақсатты жұмсалуы тиіс. Кәсіпкер бұл қаражатты бизнес-жоспарда көрсетілген арнайы бағыттарға бағыттайды. Атап айтқанда, өндірістік активтерді жаңарту бойынша заманауи құрал-жабдықтарды сатып алу өнімділікті арттырады және бәсекеге қабілеттілікті қамтамасыз етеді. Ауыл шаруашылығын қолдау барысында мал мен құс басын көбейту – азық-түлік қауіпсіздігіне қосқан үлес болса, қызмет көрсету саласының бағыты үй-жайларды жалға алу және оны қажетті құралдармен жабдықтау – ауылдық жерлердегі қызмет көрсету сапасын жақсартады.
Бұл әрбір игерілген грант қаражаты – аудан экономикасының әлеуетін арттыратын инвестиция. Біз грант арқылы жай ғана кәсіпкерді емес, еңбекқор, жауапты және ертеңгі күнге сеніммен қарайтын азаматты тәрбиелеп жатырмыз. Сондықтан да Business.enbek.kz порталы – бұл мемлекеттік қызметтердің ашықтығының символы. Мұнда барлық процесс ашық, әрбір қадам қадағаланады. Демек, барлық құжаттар цифрлы түрде қаралады, бұл сыбайлас жемқорлық қаупін жояды. Үміткер өзінің өтінішінің статусын кез келген уақытта портал арқылы бақылап отыра алады. Сондай-ақ, Skills.enbek.kz платформасындағы курстар әлемдік деңгейдегі озық әдістемелермен толықтырылып отырады. Бұл – мемлекеттік басқарудың жаңа мәдениеті. Яғни азаматтарды қағазбастылықтан арылтып, олардың уақытын бағалауға үйретіп жатқанының айғағы.
Мақтаарал ауданы – еңбекқор жандар мекені. Ауданның климаттық жағдайы мен халықтың еңбекке құштарлығы кәсіпкерлікті дамытуға үлкен мүмкіндік береді. Мемлекет тарапынан жасалып жатқан қолдауларға аудан тұрғындарының белсенді қатысуы – бұл біздің ортақ жеңісіміз. Әрбір ашылған кәсіп – бұл ел экономикасына қосқан үлесіміз.
Аталмыш бөлім әрқашан азаматтардың бастамаларын қолдауға дайын. Бизнес – бұл тоқтаусыз қозғалыс. Қазіргі таңдағы мемлекеттік гранттар сіздің бизнес-идеяңызды нақты өмірге айналдыруға берілген ең үлкен мүмкіндік. Ендеше, жобаға қатысыңыз, біліміңізді шыңдаңыз, грант ұтып алыңыз және өз өңіріңіздің өркендеуіне үлес қосыңыз дейміз.
Есіңізде болсын, әрбір табысты кәсіпкер – бұл мемлекеттің мызғымас тірегі. Сіздердің кәсіптеріңіздің берекелі, ал табыстарыңыздың жоғары болуы маңызды. Жаңа мүмкіндіктерді жіберіп алмай, әрбір қадамдарыңыз – мемлекеттің қолдауымен алға жылжитын, жарқын болашаққа жетелейтін сенімді қадам болсып, әрқашан кәсіби қолдауға ие болып, ел экономикасының өрлеуіне өз үлесіңізді қосыңыз.