«Бірінші байлық – денсаулық» деп бабаларымыз айтқандай, дені сау халық – қуатты мемлекеттің негізі. Бүгінгі қарбалас уақытта адам баласына ең керегі – салауатты өмір салты мен белсенді қозғалыс. Осы орайда, Түркістан қаласында тұрғындардың денсаулығын нығайту мен бұқаралық спортты дамытуға бағытталған ерекше шара бастау алғалы тұр.
26 қараша күні сағат 8:00-де Октябрь Жарылқапов атындағы стадионда «Таңғы жаттығулар көпкүндігі» салтанатты түрде ашылады. Ғылыми зерттеулерге сүйенсек, таңертеңгілік жасалған жеңіл жаттығулар адамның күні бойы сергек жүруіне, ойлау қабілетінің артуына және иммунитеттің нығаюына тікелей әсер етеді. Таңғы таза ауадағы қозғалыс қан айналымын жақсартып, жүрек-қан тамырлары жүйесінің жұмысын реттейді.
«Жеңіл қимыл — тың көңіл, мықты денсаулық!» деген ұранды серік еткен бұл шара тек спорттық жаттығу ғана емес, сонымен қатар қала тұрғындарының арасындағы ауызбіршілікті нығайтатын әлеуметтік алаңға айналмақ.
Түркістанның спорттық тарихында аты алтын әріппен жазылған Октябрь Жарылқапов атындағы стадион бұл күні барша қала тұрғындарын құшақ жая қарсы алады. Жастар да, аға буын өкілдері де осы жерде бас қосып, ортақ мақсат – дені сау ұлт қалыптастыру жолында бірге жаттығады.
Бұл көпкүндіктің ерекшелігі – ол бір күндік науқан емес, жүйелі түрде жалғасатын процесс. Күнделікті әдетке айналған 15-20 минуттық жаттығу адамның өмір сүру сапасын айтарлықтай жақсартатынын мамандар жиі айтып келеді.
Құрметті Түркістан қаласының тұрғындары мен қонақтары! Қала басшылығы мен спорт саласының мамандары сіздерді осы игі шараға белсенді қатысуға шақырады. Уақыты: 26 қараша, сағат 08:00
Орны: Октябрь Жарылқапов стадионы
Таңды ұйқымен емес, сергектікпен қарсы алыңыздар! Спортқа бөлінген әрбір минут – сіздің ұзақ әрі бақытты өміріңізге салынған инвестиция. Отбасыңызбен, достарыңызбен және көршілеріңізбен бірге келіңіздер. Таңертеңгі жаттығулар — бұл денсаулықты жақсартудың, энергияны арттырудың және күн бойы жоғары өнімділікті қамтамасыз етудің тамаша жолы. Көптеген адамдар таңертеңгілік жаттығуларды жай ғана әдет немесе уақыт өткізу ретінде қабылдайды, бірақ олар ағзаның әртүрлі жүйелеріне пайдалы әсерін тигізеді.
Таңертеңгі жаттығулар ағзаны оятады, қан айналымын жақсартады және дененің барлық жүйелерін белсендіреді. Таңертеңгі физикалық белсенділік ағзаға оттегінің көп мөлшерін жеткізеді, бұл ми мен бұлшықеттердің жұмысын жақсартады. Бұл өз кезегінде адамның күн бойы сергек әрі қуатты болуына септігін тигізеді.
Таңғы жаттығу барысында ағза табиғи түрде эндорфиндер (жақсы көңіл-күй гормондары) шығарады, бұл адамның эмоциялық жағдайын жақсартып, стресстен арылуға көмектеседі. Әрине, дененің саулығына жағымды әсер ететін шаралардың бірі-таңертеңгі жаттығу. Бойға күш-қуат жинау үшін пайдаланылатын таңғы уақыт-бұл күні бойы жақсы көңіл-күй мен сергектіктің және салауатты өмір салтын ұстанатын денсаулықтың кепілі.
Бүгінгі таңда дені сау ұлттың – болашағы зор екені баршамызға аян. Сондықтан елімізде Мемлекет басшысының бастамасымен бұқаралық спортты дамытуға үлкен мүмкіндіктер жасалуда. Осы бағытта Түркістан қаласының әкімдігі де, қала тұрғындарын жаппай сергек, дені сау болуға жетелейтін, шапағатты істің ұйытқысы болуда.
Жалпы, мамандардың зерттеуінше, таңда аш қарынға жасалған жаттығулар адамға энергия беріп, төзімділігінің артуы анықталды. Дене бұлшық еттерінің жұмыс жасауын күшейтіп, қан айналымын жақсартады. Сондай-ақ, артық салмақтан арылудың ең тиімді жолы осы екені бәріне мәлім. Таңым берекелі, күнім өнімді өтсін десеңіз, жоғарыда айтылғандардың бәрін дәл бүгіннен бастаңыз!
Бірге сергек болайық!
Жиналайық! Қатысайық! Бірге белсенді болайық! Біздің күшіміз – бірлікте, денсаулығымыз – болашақтың кепілі!